Cache do të rikthhet së shpejti.
Cache do të rikthhet së shpejti.
Ripunimi i hartës de_cache të CS:GO do të zbulohet në fund të muajit, por dizajneri i saj, FMPONE ka treguar disa nga ndryshimet që i janë bërë zonës për publikun.
FMPONE zbuloi disa pamje të zonave të hartës teksa ishte duke punuar me të, duke u fokusuar kryesisht në ndryshimet e hapërsirës dhe në linjat vizive dhe të objekteve që lojtarët do të gjejnë në hartë. Ai e ka treguar këtë duke e vendosur si imazh header të profilit të tij në Twitter.
FMPONE duket të jetë frymëzuar nga Cafe Pripyat e cila gjendej afër fabrikës së Chernobyl kur ndodhi katastrofa nukleare e 1986. Pripyat tashmë është një qytet i braktisur, por një pjesë e tij do të jetë aktive për lojtarët e CS:GO kur Cache të kthehet.
Cache nuk ishte më një hartë aktive e CS:GO në mars, pasi u shtua Vertigo. Që nga ajo pikë lojtarët nuk kanë mundur të luajnë më ranked matches në Cache dhe harta është hequr edhe nga turnamentet pro. Kur ajo të kthehet, nuk do të duhet shumë kohë përpara se të fillojë të shfaqet sërish në këto kompeticione.
Heqja e hartave nga CS:GO është diçka që Valve e bën herë pas here. Zhvilluesi ndjek këtë praktikë që të sigurohet se çdo hartë është ende tërheqëse për të gjitha llojet e lojtarëve, por në të njejtën kohë shmang edhe monotoninë e të luajturit të lojës në të njejtën hartë vazhdimisht.
Tashmë e dimë se Cache është mbaruar. Fansat do të kenë mundësi ta shohin versionin e plotë të saj gjatë një ndeshjeje në ESL One New York në 29 shtator. Edhe pjesëmarrësit do të kenë mundësi ta luajnë hartën në po të njejtën ditë.
Pavarësisht se harta është programuar për të ardhur në 29 shtator, Valve ende nuk ka njoftuar se kur do të vijë Cache në active map pool.