The Division 2: Warlords of New York lançohet një ditë më herët, por plot me bugs

The Division 2: Warlords of New York supozohej të ishte live në 3 mars. Edhe vetë Twitteri i The Division thoshte në 3 mars, por për një arsye, loja erdhi live në PC që dje, në datë 2 mars. Ky ishte një lajm i mirë për fansat e paduruar të The Division që donin të shkonin sërish në New York. Lajmi i keq është një lançimi nuk është se shkoi edhe aq i mirë.

Pasi update-i ishte live, një numër i madh lojtarësh në PC filluan të raportonin probleme serioze, përfshirë këtu pamundësinë për të ndërvepruar me komunitetin e NPC-ve dhe Echo error në login.

Ubisoft njoftoi në forume se Echo error “është një problem i ri me të cilin nuk kemi patur të bëjmë më parë.” Gjithsesi situata mendohet që të rregullohet shpejt, pasi Ubisoft e nisi punën intensivisht që dje.

Kompania paralajmëroi se jo domosdoshmërisht të gjitha problemet do të rregulloheshin me këtë update, pasi nuk mund të garantonin se cilat rregullime do të aplikoheshin live, por shtuan se do i mbanin fansat vazhdimisht të informuar.

Ubisoft gjithashtu tha se ndërkohë që rregullohen këto, fansat mund të provojnë ti bëjnë restart lojës dhe të bënin fast-travel në Safe House, ose të kalonin në një zonë tjetër, mund të ndihmojë me ndreqjen e problemit.