Duket se do të mund të merrni Disney Plus falas përmes blerjeve në Fortnite

Falas nëse po blini V-Bucks në Fortnite gjithsesi.

Update-i i fundit i Fortnite është këtu dhe kjo do të thotë që dataminers kanë mundësinë të zbulojnë se çfarë do të vijë së shpejti në lojë. Leaks nga update v14.50 sollën disa gjëra që na bënë shumë kuriozë. Përtej të gjithë skineve të Fortnite, duket se loja do të ofrojë mundësinë për Disney Plus falas. Falas nëse po blini V-Bucks në Fortnite gjithsesi. 

Shumë dataminers, përfshirë këtu FireMonkey dhe VastBlast, kanë gjetur një të dhënë të re në lojë që thotë: “Power up me Disney Plus! Duke filluar që tani deri në 31 dhjetor 2020, blini V-Bucks ose diçka me para në Item Shop dhe merrni deri në dy muaj falas në Disney Plus.”

Ende nuk dihet se kur do të fillojë promocioni (dhe sigurisht sepse është ende i panjoftuar zyrtarisht mund të mos të ndodhë fare), por duke qenë se 31 dhjetori është afati i fundit për ta shfrytëzuar, do të thonim që mund të vijë nga momenti në moment.

Epic ka patur shumë bashkëpunime me Disney në të shkuarën, përfshirë një event të madh në lojë me rastin e Star Wars: The Rise of Skywalker. Plus që momentalisht jemi në fundin e një sezoni me Marvel.