Ardhja e The Mandalorian në Disney Plus nëntorin e kaluar, ishte një sukses mbarëbotëror. Deri së fundmi dinim se sezoni i dytë i serialit do të vinte tetorin e ardhshëm, me fansat që po i presin aventurat e reja të Pedro Pascal dhe “The Child” me padurim.
Duket se tashmë ka nisur puna edhe me produksionin e sezonit të tretë. Së fundmi u zbulua se sado që pjesa e tretë nuk është njoftuar zyrtarisht, Disney ka filluar punën me të. Ekipi i skenaristëve ka filluar hartimin e aventurave të reja, ndërkohë që skuadra e art dizajnit ka qenë duke krijuar disa koncepte të reja.
Nuk kishte detaje të mëtejshme se çfarë mund të presim nga Sezoni i 3 i serialit, por momentalisht le të mjaftohemi me faktin se do të ketë një vazhdim të serive.