Discord mund të jetë konkurenti i ardhshëm i Epic dhe Valve

Discord ju ofron zhvilluesve ndarjen 90/10 të fitimeve

Discord filloi të shiste lojëra përmes platformës së tij në gusht dhe tani ai do i lejojë zhvilluesit të marrin 90% të fitimeve që nga 2019. Këtu ai ia kalon edhe Epic edhe Steam, përkatësisht me 12% dhe 30 % fitime.

“Ne kemi folur me shumë zhvillues dhe shumë prej tyre mendojnë se ndarja 70/30 nuk është shumë e drejtë. Prej kësaj po shohim gjithmonë e më shumë zhvillues të krijojnë dyqanet e tyre në vend të fokusohen në atë çfarë është vërtetë e rëndësishme. Bërja e lojrave dhe zgjerimi i komunitetit të tyre.” Shkruan kështu njoftimi.

Pra duke nisur që nga 2019, Discord do e kthejë dyqanin e tij në një platformë vetëshërbimi të publikimit të lojërave. Çdo zhvillues do mund të publikojë projektet e tyre në dyqan dhe të marri 90% të fitimeve.

Kushdo që është përdorues i Discord ka akses në dyqan, ndaj kjo ide vjen me një potencial të madh, pasi Discord ka diku te 200 milion përdorues. Tani mbetet të shohim nëse në të ardhmen do mund të hasemi me një trekëndësh rivalërie (Steam-Epic-Discord).