Discord Mobile do të marrë një update të madh

Më në fund Discord Mobile rregullon disa prej problemeve që ka patur kohët e fundit por gjithashtu shton edhe shumë veçori të reja

Gjatë muajit të kaluar versioni Discord Mobile ka patur bugs të ndryshëm të cilët filluan të krijonin probleme të mëdha për çdo përdorues të kësaj platforme. Kësaj here Discord do të sjellë një update i cili ka për të rregulluar shumë prej këtyre problemeve dhe gjithashtu do të sjellë shumë risi.

Versioni mobile së fundmi ka patur probleme nga më të ndryshmet duke filluar që prej problemeve me dërgimin e mesazheve të cilat kishin nevojë për disa sekonda që të dërgoheshin dhe deri tek “rënia e linjës” edhe nëse ju jeni akoma në voice channel (diçka të cilën e kam vuajtur personalisht shumë).

Versioni beta i Discord Mobile sjell një update i cili rregullon këto probleme dhe që sjell edhe shumë veçori të reja. Update i ri na sjell gjithashtu një dizajn të ri kur hapim opsionet i cili e bën më të lehtë për përdoruesit e kësaj platforme.

Gjithashtu ky update i madh do të sjellë një veçori të re që do të vijë për një pjesë të pajisjeve mobile dhe që quhet screen share. Screen share është një veçori të cilën e kemi kërkuar për një kohë shumë të gjatë.

Kjo veçori  iu lejon të ndani me të tjerët ato çfarë shikoni në pajisjen tuaj mobile. Një problem me ketë veçori është se audio mund të ndahet me të tjerët vetëm nëse keni një pajisje e cila ka versionin Android 9.0 ose më të lartë.