Discord bëri ban 5.2 milionë adresa mes muajve prill dhe dhjetor të vitit të shkuar. Kompania e zbuloi këtë gjë sot në raportin e dytë të transparencës. Arsyet më të shpeshta për banet e adresave ishin spami dhe kontente të lidhura me pornografinë.
Raportimi zbulon një diferencë të theksueshme mes llojeve të shkeljeve që shumica e përdoruesve kanë gjasa të raportojnë dhe veprimeve që ndërmerreshin që njerëzit dhe serverat të pezulloheshin për këto raportime. Shumica e raportimeve që Discord merr, lidhen me ngacmimet, gjithsesi vetëm një pjesë e vogël e tyre realisht sjell në ndërmarrje masash.
Nga ana tjetër exploitative content (pornografia jo konsetuale) përbënte 6.7% të raportimeve, por sillte sasinë e dytë më të madhe të bans. Pjesë e arsyes për këtë është se Discord ka më shumë gjasa të ndërmarrë veprime, pasi i merr këto raportime, por kompania ka thënë se gjithashtu ka një përqasje proaktive drejt saj. Discord skanon çdo imazh përmes përdorimit të PhotoDNA, pra në shumicën e rasteve këto imazhe ofenduese mund të hiqen përpara se dikush ti raportojë.
Spam pastaj ishte një zonë me një numër të madh raportimesh dhe bans. Ishte lloji i tretë më i përhapur i raportimeve. Discord thotë se ka më shumë tendencë të veprojë ndaj raportimeve të spams, pasi zakonisht ato ndikojnë një numër të madh përdoruesish dhe janë të lehta për tu verifikuar.
Sado që 5.2 milion tingëllon si një numër i madh bans për tu shpërndarë, është thjesht një pikë uji në oqean në krahasim me shifrat që zbuloi Facebook në raportimin e tij të transparencës për vitin e kaluar. Kompania tha se kishte shpërndarë 54 milionë bans, që kur e krahason me 2 miliardë përdorues, nuk është numër i madh.