Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Një dokumentar i BBC hedh më shumë dritë mbi fenomenin e hacking në lojëra
Hacking në lojërat online multiplayer është një problem që sa vjen dhe rritet. Lojëra si Overwatch, PUBG, Battlefield dhe Rainbow Six: Siege ndikohen nga hackers të cilët bëjnë hile për të kapur majat. Kohët e fundit, BBC bëri një reportazh investigativ për hacking në videolojëra dhe zbuloi se disa prej lojtarëve më të mirë të Rainbow Six: Siege bëjnë me hile dhe përdorin hacks për të arritur në majat e klasifikimeve.
BBC foli me një krijues hacks të quajtur me emrin e koduar “Lucas the Cheat Hacker“, i cili vepronte në Hollandë. Identiteti i tij padyshim që mbahet sekret, por sipas tij, disa prej lojtarëve më të mirë të Rainbow Six: Siege përdorin hacks, e madje e bëjnë këtë gjë dhe gjatë turnamenteve.
Kohët e fundit, lojtari indian profesionist i CS:GO Forsaken u kap duke përdorur hacks në një turnament në Indi. Ndërkohë, shumë lojtarë të niveleve të larta të Siege, PUBG, Overwatch dhe Battlefield që luajnë me hile nuk mund të kapen sepse këto cheats janë shumë të sofistikuara. Hack i përdorur nga Forsaken nuk ishte i tillë dhe kjo të bën të mendosh se sa lojtarë profesionistë luajnë me hile dhe thjesht nuk janë kapur akoma.
Mund të jetë qef për hackers të përdorin hile për të fituar lojën, por padyshim që ata e shkatërrojnë atë për miliona të tjerë që iu pëlqen konkurrenca. PlayerUnknown’s Battlegrounds është padyshim shëmbulli më i mirë i kësaj, për shkak të luhatjeve të shumëta që ka patur numri i lojtarëve për shkak të hacking.
Me rritjen e lojërave multiplayer si Apex Legends, Fortnite, PUBG, Siege dhe shumë të tjera, hackers e shohin këtë si mundësi për të fituar më shumë para.
Zhvilluesit e videolojërave marrin masa që të sigurohen se hackers nuk janë problem në lojërat e tyre, por edhe puna e tyre nuk mjafton për t’i kontrolluar ata. PUBG morri një hap drastik duke i ndaluar lojtarët kinezë për të luajtur me pjesën tjetër të botës për të ndaluar ndikimin e tyre tek ata. Ama hackers nuk gjenden vetëm në Kinë dhe ky ndalim nuk është një zgjidhje efektive në çdo lojë.
