Disa “cheats” në CS:GO po ndëshkojnë hackers

Youtuber ScriptKid krijon “cheats” në CS:GO të cilat kryejnë të kundërtën e qëllimit të një cheat normal

Në pothuajse çdo lojë online që mund të gjejmë do të ketë një lojtar i cili përdor cheats ose sic e quajmë zakonisht hacker. Për të ndëshkuar të gjithë lojtarët të cilët përdorin cheats youtuber ScriptKid ka nxjerrë online disa “cheats” të cilat në vend që të ndihmojnë lojtarët të fitojnë kryen krejt të kundërtën.

ScriptKid nxori ketë program online me përshkrimin sikur është një cheat normal i cili do t’iu ndihmoj të bëni me hile kur luani CS:GO. Në vend të aimbot ose wallhacks, ky program fillon edhe aktivizohet në pjesë të veçanta të hartës ose kur kryeni veprime të caktuar dhe iu detyron të kryeni veprime të ndryshme si humbja e kontrollit për disa sekonda, të hidhni një grenade afër jush dhe të bëni drop armët tuaja.

Disa veprime të tjera mund të bëjnë që t’iu çojnë drejt vdekjes ose të mos hapni dot dyert dhe sa herë që e provoni ketë gjë do të dëgjoni disa të trokitura nëpër dyert që keni afër. Shumë prej ndjekësve të këtij youtuber janë tepër të kënaqur nga këto programe të cilat synojnë të ndëshkojnë të gjithë ata që dëshirojnë t’i përdorin ata. Gjithashtu ata presin më shumë programe të këtij lloji në të ardhmen.