Sa më shumë i afrohemi 2020s, aq më shumë i afrohemi dhe konsolave të gjeneratës së ardhshme. Besoj se të gjithë e dimë se këtu i referohemi PS5 të Sony dhe Xbox Scarlett të Microsoft. Këtë vit mësuam shumë informacione të reja rreth parametrave të tyre. Të dyja konsolat duan të kapin 8K me një FPS 120. Por çfarë ndodh nëse parametrat e hardware-it të PS5 dhe XboxScarlett futen në një PC?
Në këtë pikë i gjithë komuniteti i gaming është i vetëdijshëm se konsolat e gjeneratës së ardhshme do të përdorin AMD CPU dhe GPU në konfigurimet e tyre. Gjithashtu, të dyja do të kenë përdorim të SSD-ve specifike për loading times më të shpejta.
Në kohët e vjetra, zhvilluesit e konsolave, do e bënin vetë të gjithë punën e hardware-it, pasi PC gaming nuk ishte kaq i zhvilluar sa ç’është sot. Tani fare thjeshtë mund të blesh pjesë të gatshme nga kompani të tjera. Rast ky i parë si me PS5 dhe me Scarlett, pasi të dyja po përdorin hardware të AMD.
Në videon e tij të fundit në YouTube, të cilën mund ta gjeni në fund të artikullit, Austin Evans tentoi të ndërtonte një PC me të njejtin lloj hardware-i të AMD-së që edhe PS5 edhe Xbox Scarlett duan të përdorin. Rezultati ishte fantastik.
Evans përdori një proçesor AMD Ryzen 7 3700x, një kartë grafike Radeon RX 5700, një drive Aorus NVMe Gen4 SSD dhe DDR4 16GB RAM. Këto i shoqëroi me versionin më të fundit të Windows 10. Sigurisht që një PC ka shumë më shumë performancë se një konsolë, ndaj Evans bëri disa rregullime në proçesor për ta sjellë në performancën e PS5.
Pavarësisht këtij veprimi, PC përfundimtar mund të sillte 8K në të njejtën mënyrë që PS5 dhe Scarlett kanë si qëllim të bëjnë. Në disa lojëra PC i tij nuk mund të sillte eksperiencën 60 FPS në 8K, por nëse graphic settings mbaheshin në nivel të qëndrueshëm, funksiononte.
Si përfundim, Austin Evans arriti në konkluzioin se sado që parametrat e PC nuk ishin identike si ato të konsolave të gjeneratës së ardhshme, rezultati final ishte sërish mbreslënës. Gjithsesi, para se ta marrim këtë eksperiment si fakt të kryer, duhet të kemi parasysh se Sony dhe Microsoft mund të bëjnë ndryshime në parametrat e PS5 dhe Xbox Scarlett.
Videon e plotë mund ta shikoni më poshtë.