A është e mundur kjo? Mesa duket po
A është e mundur kjo? Mesa duket po
Call of Duty ka një battle royale. Fallout ka një battle royale. Battlefield ka një battle royale. Kush është loja e rradhës që do të marrë një battle royale? Përgjigja juaj padyshim që nuk do të ishte Super Mario Bros., por ja tek e kemi. Një modder ka krijuar një version me 99 lojtarë të Super Mario Bros. të cilin ju mund ta luani në browser-in tuaj, të paktën derisa ai të paditet në gjyq nga Nintendo.
Modder-i dhe YouTuber-i InfernoPlus ka shpenzuar tre javë duke rindërtuar kodin origjinal të lojës në NES në HTML 5. Por në këtë version, ju luani së bashku me 99 Mario të tjerë, të cilët shfaqen në ekran si fantazma. Në vend që të hidheni në një ishull dhe të kërkoni armë, ju do të luani nivelet e lojës klasike.
Ideja është të arrish në fund të botës dhe të vrasësh Bowser i pari. Megjithatë, nuk është një garë e thjeshtë. Edhe pse lojtarët nuk veprojnë direkt me njëri-tjetrin, çdo power-up mund të merret nga vetëm një lojtar dhe guackat Koopa mund të godasin lojtarët e tjerë. Nëse merrni një yll, vrisni menjëherë çdo lojtar pranë jush.
Më poshtë mund të gjeni rrugëtimin e InfernoPlus në krijimin e lojës:
Padyshim që loja është totalisht një kaos i vërtet. Megjithatë ajo funksionon e ju madje mund të përdorni dhe një controller. Tani për tani, mund ta provoni atë këtu.
Padyshim që është thjesht një lojë për gallatë, por niveli i detajeve dhe besnikëria ndaj lojës origjinale janë vërtet për t’u vlerësuar. Ka pak probleme me kercimin, por në fund të ditës është thjesht Super Mario Bros. me ca si shumë njerëz të tjerë.