Pasi mori vesh që miku i tij i ngushtë nuk mund të merrte një PS5, ai ia bën dhuratë një të tillë
Pasi mori vesh që miku i tij i ngushtë nuk mund të merrte një PS5, ai ia bën dhuratë një të tillë
Siç të gjithë e dini, kërkesa e madhe për PlayStation 5 ka bërë që në këto momente të mos ketë pothuajse asnjë PS5 për shitje në treg. Kjo gjë ka bërë që një lojtar të mos arrijë ta blejë konsolen e re por shoku i tij më i mirë prej 15 vitesh e surprizon atë me një dhuratë të madhe.
Nëpërmjet një postimi në platformën Reddit, përdoruesi i saj, ghost_knight1121, zbuloi se miku i tij me të cilin luante pothuajse gjithmonë çdo lojë nuk kishte mundësinë për të marrë konsolen e re. Kjo gjë bëri që ai të arrinte të siguronte një PlayStation 5 tjetër dhe t’ia bënte dhuratë mikut të tij.
Gjithashtu ghost_knight1121 zbuloi se ai dhe miku i tij kanë afërsisht 15 vite që luajnë bashkë dhe kjo gjë ka filluar që prej lojës Rainbow Six Vegas në Xbox 360. Ai shton se të dy ata kanë kaluar një kohë të gjatë bashkë dhe në momentin që ai mësoi se shoku i tij nuk arriti të merrte një PS5, ai arriti të gjente një tjetër dhe t’ia bënte dhuratë shokut të tij në mënyrë që të dy ata të luanin bashkë edhe ketë gjeneratë.
Shumë përdorues të tjerë të kësaj platforme e kanë quajtur ketë veprim si një veprim që vetëm një shok i vërtetë do ta kryente. Momentalisht çmimet e PlayStation 5 po arrijnë çmime të çmendura në tregun e zi duke kapur shifra të larta deri më 2000 dollarë amerikanë pavarësisht se çmimi origjinal është 499 dollarë amerikanë.