Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Sa keq që nuk vodhi dhe Half-Life 3
Sipas një stacioni lajmesh në Washington, një padi u ngrit muajin e kaluar ndaj një personi i cili dyshohet se u fut brenda zyrave të Valve disa herë gjatë 2018 dhe vodhi rreth $40,000 në pajisje dhe lojëra.
I dyshuari, Shawn Shaputis, ishte arrestuar më herët për vjedhje në të njëjtin muaj dhe më pas u arrestua sërish pasi e detyroi policinë ta ndiqte atë me një kamion FedEx. Momentalisht ai nuk po mbahet nga policia dhe ka disa urdhra arresti në emër të tij. Një tjetër urdhër arresti do të dalë nëse ai nuk paraqitet sot në gjykatë.
Vjedhja ndodhi në Lincoln Square South, që është gjithashtu vendi ku ndodhen zyrat e Unity, Epic Games, The Pokémon Company dhe Samsung.
Lincoln Square South ka një ekip sigurie 24 orësh dhe është gjithashtu e survejuar nga kamerat. Pra si mund të vjedhësh rreth $40,000 sende në një ndërtesë të tillë? Sipas policisë, i dyshuari tërhoqi një kosh mbeturinash deri tek zyrat nëpërmjet shkallëve, e mbushi atë me kompjutera dhe lojëra dhe më pas e tërhoqi sërish deri tek makina e tij në anën tjetër të rrugës, afër një Chipotle.
Policia tha se gjeti disa sende të vjedhura që ende nuk ishin shitur në makinë, duke arritur kështu të lidhin vjedhjen me Shaputis. Policia gjithashtu thotë se ai pranon që hyri në godinë dhe gjithashtu sekuestroi dhe pamjet e kamerave të sigurisë të GameStop ku ai tregohet duke shitur lojërat e vjedhura.
Nuk dihet nëse janë vjedhur sekretet e kompanisë, por supozohet që Valve i ka të siguruara mjat mirë pajisjet që kanë material sensitiv, në mënyrë që aksesi fizik të mos jetë mjaftueshëm për t’i kompromentuar ato.
