Diçka e madhe do të ndodhë në Fortnite për 7 ditë

Një countdown gjigand është shfaqur në qiellin e lojës.

Epic Games është duke numëruar mbrapsht ditët për një ngjarje të madhe që do të vijë në Fortnite: Battle Royale.

Një orë që ecën mbrapsht është mëse e dukshme në qiellin e lojës dhe duket se do të ndalojë të shtunën e 20 korrikut. Është e paqartë se çfarë do të ndodhë në këtë kohë specifike, por fansat e Fortnite janë plot me hamendësime.

Shumica e fansave besojnë se do të ketë një betejë gjigande robot-vs-monster në Pacific Rim Style gjatë sezonit të 9 të Fortnite. Koha mendohet të tregojë pikërisht se kur do të ndodhi kjo betejë.

Një robot gjigand është parë teksa ndërtohet në Pressure Planet gjatë javëve të fundit. Fansat dhe data miners mendojnë se do të zihet me krijesën misterioze që u lirua nga ajsbergu i Polar Peak.

Epic solli spektakël me eventin unvaulting që bëri herën e fundit, por kompania mund ta ketë vënë më lart stekën këtë rradhë. Sidoqoftë, fansat do të jenë shumë të entuziasmuar për të parë se çfarë do të bëhet kur sekondat të shkojnë në zero.