Ka shumë kontradita mbi çfarë mund të bëni në Call of Duty Modern Warfare, por mesa duket edhe loja do të ketë opinionet e saja, me performancën dhe dialogun e personazheve që do të ndryshojë në bazë të veprimeve tuaja.
Drejtori i historisë së lojës, Jacob Minkoff shpjegoi se mënyra se si ju do të përballeni me veprime të ndryshme do të reflektohet në lojë, me dialog dhe performanca të ndryshme nga njerëzit rreth e qark jush.
“Historia në vetëvete është lineare, por në kontekst të misionit, nëse jeni gati ta tejkaloni cakun, por nuk e bëni, do të keni personazhe që thonë gjëra të tipit: ‘Plako, çfarë bëre. O zot, shpresoj mos ta dëgjojë njeri për këtë'”. Është shprehur Minkoff.
“Nëse e tejkalon cakun, por është diçka e kuptueshme, dialogu gjithashtu do të ndryshojë. Në disa raste ata do të ndryshojnë sjellien e tyre dhe do të veptojnë në mënyra të ndryshme.”
Jo tamam nivele Mass Effect të ndryshimit të historisë, por diçka që lidhet me relatat e shkak-pasojës.