Diablo 4 është konfirmuar nga një reklamë e Blizzard

Reklama e Diablo 4 gjendej brenda një reviste

Që Diablo 4 do të vijë së shpejti nuk është aspak sekret për industrinë e gaming, duke qënë se është një prej serive më të mëdha të Blizzard dhe zhvilluesi e ka konfirmuar thuajse plotësisht se një lojë e re jo për mobile po vjen, por ky trend duket se vazhdon dhe sot, pasi një reklamë në revistë për një libër të Diablo hedh shenja drejt lojës së re që pritet të vijë.

Numri i fundit i revistës gjermane GameStar ka brenda tij një reklamë për librin e ardhshëm The Art of Diablo nga Jake Gerli dhe Robert Brooks.  Ky libër është publikuar nga vetë Blizzard dhe pritet të dalë në 21 nëntor.

Reklama për librin thotë se ai ka mbi 500 vepra arti nga Diablo, Diablo 2, Diablo 3… dhe Diablo 4. Ky nuk është një gabim drejtshkrimor ose një gabim në përkthim, pasi duket qartë dhe në gjermanisht se po flitet për Diablo 4 ndër lojërat e tjera që do të jenë pjesë e këtij libri.

Më poshtë mund të shihni reklamën e plotë. Duke marrë të mirqënë faktin se Diablo 4 ekziston, ka shumë mundësi që reklama u publikua gabimisht parakohe dhe se loja mund të zbulohet gjatë Blizzcon në 1-3 nëntor, që zhvillohet përpara lançimit të librit në fund të nëntorit. Pas katastrofës së vjetshme në Blizzcon, Blizzard e di shumë mirë se duhet të zbulojë diçka më të madhe se Diablo në mobile për të mbyllur prezantimin e tyre.

Siç thamë dhe më lartë, ekzistenca e Diablo 4 dihet nga të gjithë, edhe pse nuk është konfirmuar zyrtarisht. Thuhet se Diablo 4 i është treguar punonjësve të Blizzard, listime për vënde pune tregojnë për ekzistencën e lojës dhe disa investigime thonë se loja fillimisht ishte e ngjashme me Dark Souls. Do të ishte mirë nëse loja më në fund do të zbulohej zyrtarisht.

Ky leak vjen në një kohë shumë të keqe për Blizzard, pas polemikave të shumta të filluara pasi ata bën ban një lojtar profesionist të Hearthstone që mbështeti protestat në Hong Kong duke i detyruar dhe vetë punonjësit e kompanisë të protestojnë.