Kështu do të dukej loja nëse do të lançohej në kohët moderne
Kështu do të dukej loja nëse do të lançohej në kohët moderne
Diablo 2 është një lojë mjaft e vjetër dhe nëse nuk e dinit, kur u lançua suportonte vetëm rezolucion 640×480 dhe 25FPS. Mods standarde nuk mund t’i zgjidhin problemet e lojës dhe Blizzard refuzon të sjellë një rework të lojës, por një fans mesa duket ka imagjinuar se si loja do të dukej në kohët moderne.
Një video nga Michael Reznor në YouTube merr 16 minuta gameplay nga Diablo 2 dhe duke përdorur teknika upscaling të bazuara në neural network AI dhe teknika për interpolimin e lëvizjeve e ka sjellë lojën në 4K dhe 60FPS. Ky nuk është një mod zyrtar, por të paktën na tregon se si loja do të dukej nëse do të bëhej remake ose një mod do të vinte.
Expansion-i i Diablo 2 e lejoi lojën të shkonte në 800×600, por deri këtu lejojnë upgrade-t zyrtare. Limiti prej 25FPS është akoma dhe më shumë problem për lojtarët modernë që janë mësuar me 60FPS ose më shumë, por në Diablo 2 nuk ka asnjë mënyrë për të rritur FPS pa rritur edhe shpejtësinë e lojës.
Ndërkohë që presim për Diablo 4, shijoni më poshtë këtë gameplay nga Diablo 2.