Loja do të vijë gjithashtu me një demo
Loja do të vijë gjithashtu me një demo
Trilogjia ekskluzive për Playstation e Quantic Dream e lojërave narrative do të vijë në PC, dhe tashmë dimë dhe datën se kur. Heavy Rain, Beyond: Two Souls dhe Detroit: Become Human do të lançohen në vazhdimësi gjatë këtij viti e secila prej tyre do të ketë një demo para lançimit. Ato do të lançohen nëpërmjet Epic Games Store, pra ai do të jetë i vetmi vend ku ju do të keni mundësi t’i bleni ato për t’i luajtur.
Demo e Heavy Rain do të lançohet në 24 maj, ndërsa loja e plotë do të vijë një muaj më pas, në 24 qershor. Në mënyrë të ngjashme, demo e Beyond: Two Souls do të lançohet në 27 qershor, ndërsa loja e plotë në 22 korrik. Të dyja lojërat mund të blihen për $19.99. Ndërkohë, demo e Detroit: Become Human do të lançohet “më vonë këtë verë“, ndërsa loja e plotë do të vijë “më vonë këtë vjeshtë” për $39.99.
Lançimi i demo-s në gusht dhe në shtator i lojës së plotë duket se do t’i përshtatej mjaft mirë planit të lançimit të lojërave të tjera, por gjithsesi deklarata për shtyp nuk dha asnjë informacion të mëtejshëm.