Detaje të reja mbi operatorët Danez dhe Amerikanë në Rainbow Six Siege

Fansat e Rainbow Six Siege kanë zbuluar një leak tjetër. Ky i rradhës lidhet me dy operatorët e rinj që do të vijnë në sezonin e ardhshëm të lojës, Rainbow Six Siege Roadmap. Leak-u vjen falë një forumi përdoruesish që në të kaluarën kanë patur të drejtë për shumë gjëra.

Sipas tyre operatori Danez  do të jetë sulmuesi dhe do të ketë një aftësi të ngjashme me atë të Cav. Krahas aftësive të ngjashme me Cav, ai do të jetë i padukshëm për kamerat. Ndërkohë që operatori Amerikan do të ketë imunitet nga flashes dhe tymi.

Si zakonisht nëse këto informacione rezultojnë të vërteta do të na duhet të marrim shumë gjëra parasysh. Si fillim sulmuesit nuk do të mund të përdorin më tymin dhe flashes për të hyrë në një objektiv. Ky ndryshim do të sillte që shumë gjëra të devijonin nga normalja dhe do ti bënte lojtarët të thellonin më shumë procesin e tyre të të menduarit.

Ndonëse ky leak nuk shoqërohet me ndonjë informacion tjetër, duhet të marrim parasysh që ky burim ka qenë super i saktë në të shkuarën. Me afrimin e sezonit të ardhshëm të Siege do të marrim edhe më shumë të reja rreth të gjithë kësaj situate.