Një version free-to-play nuk ka për të ndodhur.
Një version free-to-play nuk ka për të ndodhur.
MMO Final Fantasy XIV Online e Square Enix është për momentin e disponueshme vetëm në PS4 dhe PC, por loja mund të vijë edhe në Xbox dhe Nintendo në të ardhmen. Naoki Yoshida, regjizori i lojës, tha se ekzistonin versione të mundshme të lojës për Xbox dhe Nintendo. Ai shtoi se bisedimet me Microsoft, Nintendo dhe Google janë në rrugë e siper.
Sipas tij Final Fantasy XIV duhet të mbështesë cross-play që të ketë bazat e lojtarëve të bashkuara, në mënyrë që të ofrojë një eksperiencë më të mirë. Kjo është momentalisht e mundur në PS4 dhe PC, por jo me sisteme të tjera. Kjo është arsyeja pse loja ka qëndruar larg Xbox-it dhe Nintendos deri tani. Gjithsesi tani që Sony si dhe Nintendo po fillojnë të lejojnë cross-play në lojëra kompetitive si Fortnite dhe Rocket League, duket se është koha perfekte që Final Fantasy të vijë të platforma të tjera.
“Bisedimet me platformat e tjera kanë nisur. Ideja thelbësore e Final Fantasy XIV është cross-play në çdo hardware të mundshëm. Po flasim me Nintendo, Microsoft dhe Google. Nuk mund të themi gjë për momentin sepse jemi ende në negociata, por pasi të kemi diçka më konkrete në dorë do t’ju njoftojmë”
Gjatë kësaj interviste Yoshida përsëriti vazhdimisht se Square Enix do që Final Fantasy XIV Online të arrijë sa më shumë njerëz të jetë e mundur. Loja ka mbi 14 milionë lojtarë të regjistuar dhe lançimi i lojës në Xbox dhe Nintendo vetëm do e rriste këtë numër. Yoshida u pyet edhe nëse Square Enix mund të konsiderojë të lërë pas tarifën mujore të lojës për një version free-to-play të saj.
“Ka shumë pak gjasa që kjo të ndodhë. Final Fantasy XIV Online është falas deri në nivelin e 35 dhe më free-to-play se kaq nuk ka për tu bërë. E gjithë ideja e free-to-play në lojëra nuk është një model i keq, por nuk është gjëja e duhur për një lojë si Final Fantasy XIV Online. Do të ishte një ide e keqe ta ndërmerrnim si hap.”