Destiny 2 me këto shifra arriti në vendin e katërt në Steam Top 100
Destiny 2 me këto shifra arriti në vendin e katërt në Steam Top 100
Destiny 2 u lançua në Steam ditën e djeshme dhe edhe pse pati disa probleme të vogla gjatë lançimit, lançimi kryesisht shkoi mirë, derisa server-at e lojës hasën probleme në orët e vona të natës.
Pasi serverat e lojës u rikthyen sërish online, periudha e mirëmbajtjes përfundoi rreth 2 orë më vonë. Bungie i lajmëroi lojtarët se loja mund të ketë probleme fillimisht, por loja gjithsesi pati aq lojtarë brenda saj sa për të arritur në vendin e katërt në listën e Steam Top 100.
Loja arriti maksimalisht 219,997 lojtarë, më shumë se dyfishin e lojës në vend të pestë, Tom Clancy’s Rainbow Six Siege. Vërtet janë shumë lojtarë që po luajnë Destiny 2, por loja ende ndodhet larg 3 lojërave që kanë vite që janë në 3 vendet e para në Steam. PUBG (e cila momentalisht ndodhet në vendin e dytë) në vendin e tretë për lojtarë maksimalë kishte maksimalisht 570,466 lojtarë, CS:GO arriti 606,865 dhe Dota 2 ishte në kryesim me 607,845 lojtarë.
Numri i lojtarëve u ul pak nga numri maksimal pas përfundimit të mirëmbajtjes dhe ishte diku tek 209,498, pasi lojtarët raportuan se kishin hasur vazhdimisht probleme me lojën. Megjithatë, loja momentalisht ndodhet në vendin e katërt dhe numri i lojtarëve do të vazhdojë të rritet më vonë gjatë ditës kur lojtarët nga Shtetet e Bashkuara të futen në lojë.
Padyshim që kjo është një nisje mjaft e mirë. Këto shifra priteshin duke parë se Destiny 2: New Light është falas, edhe pse loja ka tashmë dy vite që është lançuar dhe nuk ka të njëjtin interes si një lojë tërësisht e re
Interesante do ishte të shikonim se si loja do të performojë me kalimin e kohës. A do të jetë ajo një prej lojërave më të luajtura në Steam, apo do të jetë në të njëjtën kategori si Warframe ose Left 4 Dead 2? Kjo mbetet për t’u parë, por ndryshimet në Destiny 2 kanë qënë të mëdha dhe gjithçka ende nuk është e qartë.