Teksa industria e gaming është rritur në mënyrë të mrekullueshme me kalimin e kohës edhe numri i hileqarëve që vijnë me lojëra të ndryshme është rritur me të. Për të niveluar pak gjërat, eksperti i DRM Denuvo ka lançuar zgjidhjen e tij Anti-Cheat këtë vit në GDC, duke i ndaluar lojtarët nga manipulimi dhe nxjerria e kodeve që ju japin avantazh mbi lojtarët e tjerë.
Kompania mëmë, Irdeto konfirmoi se 77% e lojtarëve janë të predispozuar ta lënë një lojë nëse mendojnë se kundërshtarët e tyre nuk po luajnë sipas të njejtat rregullash. “Hilja ja prish lezetin lojës për ata që e luajnë në mënyrë të drejtë.” Është shprehur Reinhar Blaukovitsch.
Denuvo Anti-Cheat përdor hardware-in më të fundit të sigurisë të kombinuar me “Game agnostic process metrics” për të ndaluar fenomenet e hileve nëpër lojëra. Për zhvilluesit premtohet integrim i lehtë, pasi paisja nuk kërkon as SDK as API.
Irdeto deklaron se Denuvo Anti-Cheat do të ketë një impakt minimal në eksperiencën e gameplay-it për përdoruesin dhe se simbolizon përkushtimin e kompanisë në ruajtjen e integritetit në botën e gaming dhe esports.