Volta do të jetë gjithashtu pjesë e demo-s
Volta do të jetë gjithashtu pjesë e demo-s
Nëse Reddit është i saktë, duket se një demo e FIFA 20 do të vijë në 12 shtator. Një imazh i postuar në subreddit-in e FIFA nga përdoruesi u/antipativome2 jep më shumë detaje mbi këtë demo. Hidhini një sy asaj këtu.
Data pas shtatorit mbase nuk është shumë e qartë, por gjithsesi mund të duket dhe nuk ka asnjë dyshim, është data 12 shator. Megjithatë, kjo nuk është e vetmja gjë që tregohet në imazh. Me shumë mundësi, stemat e ekipeve në foto janë ekipet me të cilët do të kesh mundësi të luash gjatë demo-s së lojës. Këto ekipe përfshijnë:
Në foto gjithashtu tregohen Raheem Sterling, Jadon Sancho dhe Eden Hazard në një fushë që duket si një prej arenave të reja të Volta mode. Volta pritet të jetë një rikthim (dhe shpresojmë që gjithashtu një përmirësim) i FIFA Street, duke ofruar ndeshje 3v3, 4v4 dhe 5v5 si dhe një set tërësisht të ri rregullash. Do të keni mundësi të luani në fusha në mbarë botën, përfshirë këtu një kafaz në Londër dhe një tarracë në Tokyo me një DJ dhe fishekzjarre. Gjithashtu, për herë të parë në historinë e FIFA, si meshkujt ashtu dhe femrat mund të luajnë në të njëjtën ndeshje së bashku.
Demo-ja e lojës është një mundësi shumë e mirë për t’u përshtatur me ndryshimet në gameplay-n e FIFA 20, një lojë e cila premton se do të fokusohet në “inteligjencën e futbollit“. Disa prej ndryshimeve që pritet të vijnë në lojë janë driblim më afër topit, mbrojtje taktike si dhe goditje më të kontrolluara. Loja gjithashtu pritet të sjellë lëvizje më të pakta të portjerëve dhe ndryshime në përdorimin e skills në lojë. FIFA 20 gjithashtu do të sjellë ndryshime në Career Mode, Pro Clubs dhe Ultimate Team, pra kjo demo padyshim do t’ju ndihmojë shumë të familjarizoheni.