Dell ju lejon të kontrolloni iPhone nga PC

Dell Mobile Connect tashmë suporton screen-mirroring.

Nëse jeni përdorues i iPhone me një kompjuter modern të Dell, tashmë mund të pasqyroni telefonin tuaj në PC dhe ta kontrolloni duke përdorur Mobile Connect app të Dell. Versioni 3 i iOS app ju lejon të kontrolloni telefonin tuaj, duke përdorur tastirën dhe mausin e PC suaj. Gjithashtu mund të bëni drag dhe drop foto dhe video për t’i transmetuar ato mes dy paisjeve dhe mund të dërgoni mesazhe pa patur nevojën që të mbani iPhone të hapur në sfond.

Këto veçori, që u prezantuan në CES më herët gjatë këtij viti, e sjellin funksionalitetin e iPhone më në linjë me atë që tashmë ofrohet në Android. Gjithsesi dy platformat nuk kanë arritur tamam një marrëveshje aq të konsoliduar. Në website-in e Dell shkruhet se transferat e bëra në iOS janë të limituara në foto dhe video, kur përdoruesit e Android mund të transferojnë edhe dokumenta dhe muzikë.

Krahas funksionalitetit me iOS, Dell thotë se përdoruesit e Android tashmë do të mund të përdorin komputerat e tyre për të dërguar MMS nga telefoni.

Dell nuk është e vetmja kompani që po punon në konceptin e të kontrolluarit të telefonit nga Windows PC. Your Phone app i Microsoft punon në çdo Windows 10, pavarësisht se kush kompani e ka bërë hardware-in. Gjithsesi ky aplikacion është sërish më i limituar në iOS krahasuar me Android.

Për të përdorur aplikacionin e ri të Dell, do ju duhet të keni një laptop të dell nga 2018 e tutje dhe iPhone duhet të jetë duke operuar në iOS 11 e sipër. Modelet e Dell që e përfshijnë këtë janë XPS, Inspiron, Vosro, Alienware dhe G Series. Dell thotë se ky update do të vijë gradualisht gjatë kësaj jave.