Artikulli është pak i gjatë, ndaj rehatohuni.
Artikulli është pak i gjatë, ndaj rehatohuni.
Sot, kompanitë teknologjike, mbi të gjitha ato të chip-eve, pësuan rënie teksa shqetësimet rriteshin mbi futjen në listën e zezë të gjigandit teknologjik Kinez, Huawei.
Administrate e Trump e vuri Huawei në listën e zezë të mërkurën që lamë pas, për shqetësime spiunazhi dhe sigurie nacionale. Google i ndoqi këto hapa, duke njoftuar se menjëherë do të ndalonte shërbimet e tij dhe update-et OS për Huawei. Kjo lëvizje do të ndikojë të gjitha paisjet Huawei jashtë territorit të Kinës, pasi shërbime si Google Maps nuk do të funksionojnë më.
Huawei përdor shumë elementë, gjë kjo që kuptohet kur merr parasysh se janë numri 2 në botë për bërjen e smartphones. Ndalimi që Trump i bëri Huawei, gjithashtu i ndalon çdo lloj kompanie teknologjike në SHBA ti shesë kompanisë kineze. Kjo është diçka që do të ndikojë shumë në shitjet e furnizuesve në SHBA dhe është pikërisht kjo që ka sjellë frikë në pjesën më të madhe të kompanive teknologjike. Shumica e tyre pësuan rënie të menjëhershme pas futjes në fuqi të këtij vendimi.
Deri tani Intel, Broadcom, Qualcomm, Xilinx dhe Infineon i kanë njoftuar punonjësit e tyre që nuk do të furnizojnë më Huawei. Menjëherë Intel dhe Apple pësuan një rënie me 3%. Broadcom dhe Qualcomm u goditën edhe më rëndë me një rënie prej 6% secili. Këto kompani u shesin jo vetëm Huawei, por edhe Kinës, pjesë që vlejnë me qindra dhe miliona dollarë. Pjesa e frikshme në këtë mes është që edhe Kina mund të tërhiqet nga furnizimi i kompanive Amerikane.
Këtu historia mund të përsërisë veten. Prillin e shkuar, SHBA njoftoi një ndalim mbi kompaninë kineze ZTE. Kjo pasi u zbulua se ZTE po shiste ndaj vendeve që ndodheshin në listën e zezë si Irani. Kjo ishte një situatë shumë e sikletshme për kompaninë dhe mendohej se ajo do të shkonte në falimentim. Në fakt ZTE i ndaloi të gjitha operacionet e saj pasi ndalimi u fut në fuqi. Si përfundim kompania përfundoi duke ngrënë një gjobë të madhe dhe një periudhë pezullimi 10-vjeçare nga tregu. Trump e përdori dëbimin e ZTE për të afruar Pekinin në negociata dhe kjo gjë funksionoi shumë mirë.
Gjithsesi ka shumë ndryshime mes ZTE dhe Huawei. Së pari Huawei është kompani shumë më e madhe dhe me shumë mundësi mund ti mbijetojë një dëbimi nga SHBA. Kompania Kineze nuk bën shumë shitje në Amerikë dhe në vendin e saj, pra në Kinë, do të vazhdonte të qëndronte shumë mirë.
Huawei gjithashtu nuk ka bërë asgjë të jashtëligjshme kundër Shteteve të Bashkuara. Ndërkohë ZTE e dinte që në fillim se ishte duke bërë diçka jo të lejuar. Pra në këtë pikë ky ndalim i Huawei duket sikur është vetëm për arsye politike.
Nuk dihet ende asgjë përfundimisht për planet e Huawei ndaj këtij vendimi, por kemi dëgjuar thashetheme se kompania Kineze ka kohë që e ka parashikuar si fenomen. Për shumicën e mjeteve të smartphones-ave të tij Huawei blen drejtpërdrejtë nga kompanitë Amerikane. Nga ana e software-it pastaj, Huawei ekspozohet më shumë, pasi jashtë Kine ai mbështetet në shërbimet e Google për shumë nga funksionet bazë të klientëve të tij.
Çfarë dimë me siguri është që ndalimi i shitjes së pasijeve ndaj Huawei u bazua çështje të sigurisë nacionale nga spiunazhe të mundshme të bëra nga paisjet e Huawei. Gjithsesi asnjë provë e kësaj akuze nuk është zbuluar.
Se çfarë nënkupton realisht ky vendim, është diçka që ne vetëm mund ta spekulojmë. Dimë se Huawei mori një patentë të përkohshme për të blerë pjesë telefonash në SHBA deri në gusht të këtij viti, ndaj efektet reale të kësaj do të shihen pas muajit gusht. Nëse Huawei u dëbua vërtet për arsye nacionale, duket pak e çuditshme që mundi të merrte një liçensë blerjesh deri në gusht.
Një gjë tjetër që duhet të mendojë është se Kina nuk mund të jetë e kënaqur me këto vendime. Disa kompani Amerikane janë shumë të varuara ndaj Kinës dhe shërbimeve që ajo ofron. Nuk ka shembull më të mirë se Cupertino, CA e bazuar në Apple Inc, për këtë rast. Kjo firmë i ndërton shumicën e paisjeve të saj në Kinë dhe kostot për të kaluar në një vend tjetër si Taiwani ose India do të ishin masive. Çfarë do të sjellë probleme për Apple është ideja e dyfishimit ose trefishimit të kostove. Apple i ka parë njëherë shitjet në Kinë të bien, kjo prej popullaritetit të madh të Huawei në atë vend.
Gjithsesi nëse Huawei merr një liçensë blerjeje të përhershme, ky vendim nuk do të kishte fare pasoja, por thjesht lëkundje mes tregjeve financiare. Le të shpresojmë pra për më të mirën.