Gjasat janë që deri tani keni dëgjuar për një lojë të vogël të quajtur Death Stranding. Loja ka një kast Hollywood-i brenda saj dhe është e zhvilluar nga Hideo Kojima, ai që na ka sjellë seritë e dashura të Metal Gear.
Death Stranding u lançua përpara një muaji, por kjo nuk e ka penguar Sony që të sjellë një tjetër trailer të lojës, për të sqaruar më mirë se për çfarë është e gjithë loja. Kjo na bën të mendojmë se me shumë gjasa Sony do të vazhdojë të sjellë më shumë trailera të tillë herë pas here.
Death Stranding është loja e parë e Kojima, që pas shkëputjes së tij kontraversiale me Konami. Së fundmi ai foli se si frymëzimi për lojën kishte ardhur nga një ndjenjë vetmie që gjithmonë e kishte patur si fëmijë. Historia enigmatike e dallon shumë atë nga lançimet tipike që shohim kohët e sotme.
Death Stranding është e disponueshme në PlayStation 4. Për ju që nuk jeni njerëz të konsolave, Kojima Productions ka konfirmuar se loja do të marri një version PC verën e ardhshme. Ndërkohë shikoni trailerin më poshtë.