Kojima Productions do të shtojë një photo mode të ri në versionin PC të Death Stranding, që do të jetë e disponueshme që në lançim.
Hideo Kojima ju drejtua Twitter sot dhe ndau një klip të vogël që demonstron se si do të funksionojë ky mode në lojë. Ju do të jeni në gjendje që të zhvendosni personazhet nga një skenë, të ndryshoni pozicionet e tyre dhe këndet e kamerës, të luani me filtra të ngjyrave dhe shumë gjëra të tjera të lidhura me fotografinë në Death Stranding.
Kojima premtoi se do të kishte funksione të tjera që do të shtoheshin në photo mode së shpejti dhe vuri në dukje se i gjithë stafi i Kojima Productions u kënaq duke e krijuar këtë mode. Fatkeqësisht ai nuk përmendi se kur do të vijë ky mode në PS4. Nuk ka sens që të ketë ekskluzivitet këtu, ndaj Death Stranding ka shumë gjasa që thjesht të shtojë një update për ta sjellë atë në PlayStation 4, pasi të bëhet lançimi në PC.