Loja mund të vijë në PC ose në platforma të tjera përveç konsolës së Sony.
Loja mund të vijë në PC ose në platforma të tjera përveç konsolës së Sony.
Fansat e mprehtë të PlayStation mund të kenë vënë re se krejt papritur ekskluziviteti i Death Stranding në PS4 nuk është më i listuar në website-in e PlayStation. Pa merak, kjo nuk do të thotë që loja do të bëhet ekskluzive e Epic siç ka ndodhur rëndomë kohët e fundit, por mund të nënkuptojë se do të vijë në PC.
Përpara shumë viteve, kur Hideo Kojima ju bashkua Sony pasi iku nga Konami, Death Stranding u njoftua si një lojë që do të vinte jo vetëm për PlayStation 4, por edhe për PC. Gjithsesi që nga ajo pikë, loja është paraqitur kryesisht si një ekskluzive e PS4.
Fakti që ekskluziviteti i saj nuk shihet më në faqjen zyrtare të PlayStation, na bën të mendojmë se do ta shohim Death Stranding edhe në PC, ashtu siç u njoftua fillimisht.
Duke qenë se data e lançimit të lojës për në PS4 është konfirmuar të jetë 8 nëntori, të fillohen përgatitjet në një kohë kaq të shkurtër për versionin e PC nuk bën kuptim. Probabiliteti është që lojën do e shohim fillimisht në PS4 dhe më vonë me kalimin e kohës në PC.
Një gjë tjetër që duhet analizuar është që edhe nëse ekskluziviteti i Death Stranding është hequr, jo domosdoshmërisht është e thënë se do të vijë në PC. Ka plot platforma të tjera ku loja mund të përshtatet. Google Stadia pse jo?
Fatmirësisht Gamescom 2019 nuk është shumë larg, pasi Kojima ka premtuar se aty do të zbulojë disa gjëra të reja për lojën. Mbetet si gjithmonë të presim pra.
Death Stranding do të lançohet në 8 nëntor të 2019s për PlayStation 4 dhe ku i dihet çfarë platforme tjetër mund të ketë në mendje.