Death Stranding e Hideo Kojima ka qenë një nga lojërat më të anticipuara të 2019s dhe duket se hype i madh i saj ka kapur dhe streamer-at dhe shikuesit.
Sipas të dhënave nga Twitch Tracker, Death Stranding ka qenë loja e dytë më e parë në Twitch përgjatë shtatë ditëve të fundit, me një mesatare prej 97,000 shikuesish dhe me një maksimale prej mbi 290,000 shikuesish në 9 nëntor. Kjo do të thotë që është parë më shumë se Fortnite dhe Modern Warfare. Sado që disa njerëz e konsiderojnë Death Stranding si një simulator të thjeshtë, duket se grafikat mahnitëse dhe historia e thellë e lojës kanë tërhequr audienca të mëdha.
Ndonëse e dinim se interesi mbi Death Stranding do të ishte i madh, por është e pazakontë që lojëra të tilla single-player, jo competitive me bazament të fortë në linjën historike, të jenë kaq popullore. Loja është transmetuar nga disa personalitete të mëdha të Twitch si Felix ‘xQc’ Lengyel, Chance ‘Sodapoppin’ Morris dhe Saqib ‘Lirik’ Zahid.
Me një total prej 15.8 milionë orë të para gjatë javës së shkuar, suksesi i Death Stranding në botën e streaming ishte i padiskutueshëm dhe mund të sjellë që në të ardhmen edhe streamer-a të tjerë të merren me lojëra single-player.
Një streamer-e koreane u fiksua aq shumë me lojën, sa vendosi që të sajonte një cosplay të personazhit kryesor, Sam Porter Bridges, duke përdorur qenin e saj si bebja brenda kapsulës.
Me shumë gjasa interesi për Death Stranding do të zbehet me kalimin e kohës, por nuk mund të mos impresionohesh me numrat e javës së parë që kapi ajo.