Death Stranding ka një Very Easy Mode për fansat e filmave

Edhe ata që nuk janë të rrahur shumë me videolojërat, do të mund ta luajnë Death Stranding.

Teksa kasti i yjeve të Death Stranding vazhdon të rritet, loja e re e Hideo Kojimës është duke tërhequr vëmendjen e disa njerëzve që nuk janë tamam të interesuar në fushën e videolojërave. Për fansat që i njohin aktorët e lojës nga filma si The Walking Dead ose Doctor Strange dhe thjesht duan ti shohin ata të performojnë, Kojima Productions ka shtuar një “Very Easy Mode” në lojë. Kojima tha se ky mode është krijuar për fansate filmave që thjesht duan të shohin se si do të shpaloset historia e Death Stranding.

Një nga asistentet e Kojima kishte postuar në Twitter se ju desh rreth një muaj së bashku me aktivitetet e përditshme të jetës, për ta mbaruar lojën në Very Easy Mode. Ky mode është për ata që nuk janë të rrahur me të luajturit e videolojërave. Ata që janë të mësuara me to pastaj duhet ta mbajnë lojën në Normal ose Hard Mode.

Kojima më pas postoi në Twitter për komentin e asistentes së tij dhe tha se meqë loja ka shumë aktorë brenda saj si Norman Reedus, Léa Seydoux dhe Mads Mikkelsen, ky mode është më shumë për fansat e filmave.

Loja lançohet në Nëntor dhe ka ende shumë aspekte të saj që nuk i kemi parë akoma. Është pak e paqartë se si mund të jetë një modë kaq i thjeshtë, por kemi të bëjmë me Kojima këtu, ndaj ku i dihet se çfarë mekanikash mund të ketë futur brenda. Gjithsesi Death Stranding do të ketë një prezantim të gjatë gjatë Tokyo Game Show, ndaj mund të presim që të mësojmë më shumë gjëra aty.