Days Gone ka superuar Mortal Kombat 11 në UK Charts

Days Gone i Sony nuk e pati fare të vështirë të mundte Mortal Kombat 11 në çartet britanike të lojërave. Shitjet fizike të lojës deri tani janë 27% më poshtë se God Of War e vitit të shkuar, por gjithsesi është një arritje mjaft mbreslënëse

Mortal Kombat 11 pastaj, qëndron në vend të dytë. Performanca e lojës është 43.6% më e ulët se Mortal Kombat X e 2015s (pa përfshirë këtu shitjet dixhitale). Shitjet janë pak fare më lart se Injustice 2, loja që NetherRealm zhvilloi në 2017n me personazhe të DC.

Mortal Kombat 11 pati shitjet më të mira në PS4, ku 71% të shitjeve totale vijnë nga platforma e Sony.

Ardhja e këtyre dy lojërave në krye do të thotë që World War Z duhet të hapte rrugë. Në fakt loja ra nga vendi i parë në vend të dhjetë brenda javës.

Përgjithësisht ishte një javë e ngadaltë për lojërat, kur shumica e tyre kishin pësuar rënie. Përjashtim bënte Red Dead Redemption 2 që u rrit me 4% në shitjet e saj dhe kaloi nga vendi i pestë në vend të katërt. Kjo është top 10-shja për momentin:

1. Days Gone
2. Mortal Kombat
3. FIFA 19
4. Red Dead Redemption 2
5. Tom Clancy’s The Division 2
6. Mario Kart 8 Deluxe
7. Sekiro: Shadows Die Twice
8. Forza Horizon 4
9. New Super Mario Bros. U Deluxe
10. World War Z