Dauntless pretendon të tre-fishojë lojtarët pas lançimit në konsola dhe Epic Store

Dauntles e Phenix Lab është një lojë free-to-play me gjueti përbindëshash që ka qenë në open beta prej një viti tashmë. Kur loja të vijë në konsola këtë verë, Dauntless gjithashtu do të bëhet ekskluzive e Epic Games Store. Phoenix Labs thotë se vendimi erdhi nga gadishmëria e Epic për të  bashkëpunuar me ta dhe nga premtimi i prodhuesit për të sjellë më shumë lojtarë.

“Epic ka qenë një partner i yni prej një kohe të gjatë,” shpjegon menaxheri i PR-it të Phoneix Labs, Andy Burt. Ai po shpjegonte detajet e fundit të Dauntless në bashkëpunimin e saj me Epic. “Vizioni i tyre për ti mbajtur lojtarët të bashkuar vërtet na bëri përshtypje.”

Burt gjithashtu tha se Epic është treguar shumë transparent me Phoenix Labs dhe se ka patur një lirshmëri komunikimi mes kompaniva që nga fillimi, ndonjëherë edhe me seanca telefonatash ditore. Diçka kjo që nuk mund të thuhet për Valve në këtë rast.

Epic ka ndarë statistikat e download-imeve me Phoenix Labs dhe Burt u shpreh se këto të fundit e çuan studion në rritjen e pritshmërive për shtimin e lojtarëve të dauntless gjatë kësaj vere.

“Për momentin kemi diku te tre milionë lojtarë,” tha ai. “Kam përshtypjen që do e trefishojmë lehtësisht këtë në të ardhmen.”

Burt gjithashtu u shpreh se kalimi nga Valve në Epic është për interesa më të shumta se thjesht përqindja më e mirë. Ai thotë se partnershipi me Epic i lejon të kenë më shumë kontroll.

“Dukshëm përqindja e fitimeve është me e mirë në anën e Epic,” tha Burt. “Por nuk mendoj se lojtarët arrijnë të shohin se sa afër është duke punuar Epic me zhvilluesit. Loja jonë ende nuk ka dalë dhe që tani ka marrë shumë promovim në platformën e dyqanit, gjë kjo që nuk do të ndodhte në raste të tjera. Ata janë treguar super të mirë me ne.”