Garena do të mund të sillte lojën Aksion RPG në Android dhe iOS
Garena do të mund të sillte lojën Aksion RPG në Android dhe iOS
Garena, segmenti i digital entertainment i Sea Group Ltd., ka zbuluar blerjen e Phoenix Labs, zhvilluesëve mbrapa lojës aksion RPG Dauntless, e cila erdhi vitin e kaluar në PC, PlayStation 4 dhe Xbox One, si dhe në Nintendo Switch gjatë muajit të kaluar.
Jesse Houston, CEO dhe bashkëthemelues i Phoenix Labs, tha:
Partnerët tanë tek Garena kanë qënë mbështetës të patundur që prej fillimeve të Phoenix Labs dhe jemi entuziastë të bashkojmë forcat me një lider global lojërash. Me këtë hap, jemi të sigurt se mund të sjellim eksperiencën më të mirë për lojtarët e Dauntless në të gjithë botën. Jemi shumë entuziastë për të ardhmen e Phoenix Labs, ndërkohë që mbështesim komunitetin në rritje të Dauntless dhe eksplorojmë lojërat e së ardhmes.
Ndërkohë, Forrest Li, themeluesi dhe CEO i Sea, shtoi:
Nuk mund të ishim më të lumtur që mirëpresim Phoenix Labs në familjen e Garena. Gjatë viteve të fundit, kemi parë Phoenix Labs të rritet në një prej ekipeve zhvilluese më të mira në këtë fushë dhe të lançojnë një lojë mjaft entuziazmuese si Dauntless. Gjithashtu e dimë se ata kanë të njëjtin mision me ne, i cili është krijimi i lojërave dhe ekipeve të mira si dhe vendosja e lojtarëve në plan të parë. Aftësitë tona përputhen shumë mirë dhe shohim shumë mundësi entuziazmuese në të ardhmen e ekipeve tona.
Garena ka qënë një fakt një prej investitorëve të parë në Phoenix Labs. Sipas deklaratës për shtyp, ekipi ekzistent i menaxhimit do të vazhdojë të qëndrojë, ndërkohë që Phoenix Labs do të ketë mundësi të futet në rrjetin e fuqishëm të Garena në lojërat mobile. Në fakt, hapi tjetër për Dauntless është rritja në tregun e mobile si dhe rritja në vende si Azia dhe Amerika Latine.
Në fakt, Phoenix Labs ka folur më parë në një intervistë se kishin plane ta lançonin lojën në Android dhe iOS. Qëllimi është ruajtja e të njëjtës eksperiencë si në konsola dhe PC, madje duke tentuar që të ofrojë cross-play, siç ka bërë Epic me Fortnite. Pritet të shohim se sa e mundur do të jetë kjo gjë.