Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Gjihtçka duhet të dimë përpara E3 2019
E3 është padyshim shfaqja më e madhe e gaming këtë vit dhe pritet që E3 2019 të përmbushë pritshmëritë e lojtarëve. Edhe pse Sony nuk do të marrë pjesë këtë vit në E3, do të ketë më shumë konferenca se kurrë më parë, të cilat padyshim që do të jenë të mbushura si me tituj të njohur, ashtu dhe me surpriza dhe lançime të reja.
Këtë vit, ka 11 konferenca që lojtarët do të kenë mundësi të ndjekin gjatë E3 2019, pa llogaritur këtu EA Play që do të zhvillohet në 8 qershor. Duke parë numrin e madhë të kompanive që do marrin pjesë këtë vit, do të jetë e vështirë për të ndjekur të gjitha konferencat. Prandaj, ne kemi menduar t’i rendisim të gjitha konferencat gjatë E3 2019 sipas rendit kronologjik, së bashku me datën dhe kohën e zhvillimit. Më poshtë mund t’i gjeni ato të renditura:
Microsoft (9 qershor, 22:00): Siç e ka tradita, Microsoft do të çelë E3 2019 me një konfrencë prej plot 2 orësh. Duke qenë konferenca më e gjatë ndonjëherë e Microsoft, drejtori i Xbox Phil Spencer ka premtuar se do të ketë surprziza, dhe lojtarët mund të presin lojëra si Halo Infinite dhe Gears 5 ndërmjet 14 lojërave që priten.
Bethesda (9 qershor, 2:30): Bethesda ka shpenzuar shumë kohë gjatë E3 2018 me lojëra si Fallout 76 dhe The Elder Scrolls: Blades, dy tituj të cilët fatkeqësisht nuk patën shumë interes nga lojtarët. Do të jetë interesante se si Bethesda do të përpiqet të rimarrë veten këtë vit. Shpresojmë të ketë ndonjë remaster të Oblivion ose Morrowind, por ende asgjë nuk është konfirmuar.
Devolver Digital (9 qershor, 4:00): Devolver Digital është bërë në mënyrë surprizë një prej konferencave më të shumëpritura gjatë viteve të fundit dhe jo detyrimisht prej lajmërimeve surprizë. Konferenca e zhvilluesit indie njihet që janë shpesh të çuditshme, shpesh herë duke parodizuar vetë E3. Konferenca e vjetshme e Devolver Digital padyshim që u diskutua shumë, prandaj do të shohim nëse ata do të arrijnë t’ja dalin më mirë se vjet.
UploadVR (10 qershor, 18:00): Edhe pse VR mbase nuk është aq popullore sa pritej fillimisht, gjithsesi ka një audiencë për lojërat VR. Lista e lojërave të mira ekskluzive VR vazhdon të rritet dhe fansat presin të shohin se çfarë do të ofrohet për pajisjet e ndryshme VR gjatë konferencës së UploadVR.
PC Gaming Show (10 qershor, 19:00): PC Gaming Show ka pasur disa lajmërime të mëdha që prej debutimit të tij disa vite më parë dhe lojtarët në PC mund të presin të njëjtën gjë në konferencën e këtij viti. Microsoft është paraqitur vitin e kaluar në konferencën e PC Gaming Show, ndaj ata mund ta përdorin atë sërish për të treguar lojëra si një port i pritshëm i Halo: The Master Chief Collection në PC.
Limited Run Games (10 qershor, 21:00): Limited Run Games zakonisht lançon versione fizike të lojërave ekzistuese indie me një sasi të limituar, prandaj e njëjta gjë pritet të ndodhë edhe këtë vit gjatë kësaj konference.
Ubisoft (10 qershor, 22:00): Një prej konferencave më të mëdha të E3 ka qënë gjithmon Ubisoft, e cila ka pasur gjithmonë lojëra të reja surprizë në seritë e saj më të mëdha. Është konfirmuar se një lojë e re Watch Dogs do të jetë në E3 2019, por kompania mbase do t’i surprizojë akoma më shumë fansat.
AMD (10 qershor, 00:00): Konferenca e AMD gjatë E3 2019 do të quhet “Next Horizon Gaming” (Gaming i horizontit tjetër) dhe pritet të jetë hera e parë që lojtarët do të kenë mundësi të shohin si do të duken lojërat e gjeneratës së ardhshme.
Kinda Funny Games (11 qershor, 1:30): Kinda Funny Games do të ketë konferencën e saj në 10 qershor, i cili do të drejtohet nga Greg Miller.
Square Enix (11 qershor, 3:00): Square Enix ka mundësi të tërheqë të gjithë vëmendjen gjatë këtij E3. Jo vetëm që do të shohim për herë të parë lojën e Avengers nga Crystal Dynamics, por pritet gjithashtu të shohim dhe Final Fantasy 7 Remake. Konferenca padyshim që nuk duhet humbur, çka është një përmirësim nga performanca e kompanisë vitet e kaluara.
Nintendo (11 qershor, 18:00): Nintendo ka qënë gjithmonë tërheqës kur vjen puna te Nintendo Direct E3 dhe e njëjta gjë pritet të ndodhë me Nintendo Direct të këtij viti. Priten pamje të reja nga Animal Crossing dhe Luigi’s Mansion 3 për Switch dhe gjithashtu lojëra të tjera surprizë.
