Dataminers zbulojnë Reverse Gun Game LTM në file-t e Fortnite

A do të ketë respawns?

Ndërkohë që dataminers të ndryshëm kanë gjetur informacione të shumta mbi disa LTM të reja në Fortnite, një foto aktuale e menusë së njërës prej tyre është gjetur në file-t e lojës.

Kanë dal informacione që zbulojnë se një LTM e quajtur Reverse Gun Game me shumë mundësi do të vijë së shpejti në Fortnite: Battle Royale. Edhe pse Epic nuk ka konfirmuar asgjë, ka disa burime të besueshmë që e tregojnë ardhjen e saj në lojë.

Këtë rradhë, dataminer-i FortTory ka arritur të gjejë një imazh të mënyrës se si Reverse Gun Game LTM do të duket në menunë kryesore, përveç faktit se është çaktivizuar. Përshkrimi thotë se në këtë mode, lojtarët do të nisin me të njëjtën armë të fuqishme. Pas çdo eleminimi, ata do të marrin një armë pak më të dobët, derisa të kenë përdorur të gjitha armët e mode-it.

Ky mode është veçanërisht popullor në Call of Duty, që e ka pasur këtë mode thuajse çdo vit gjatë viteve të fundit. Megjithatë, nuk dihet se si ajo do të bëhet pjesë e Fortnite, edhe pse ideja është hedhur dhe më parë.

Ndryshe nga CoD, Fortnite në përgjithësi nuk e përdor mekanikën e respawn në mode-t e saj. Pa respawn, mode nuk do të kishte kuptim pasi lojtarët thjesht do të prisnin deri në fund e do të vrisnin lojtarin e mbetur me armën më të fortë.

Gjithsesi, kjo do të ishte një shtesë interesante në lojë. Disa LTM kanë qenë shumë popullore dhe është kërkuar rikthimi i tyre nga fansat. Nuk do të ishte surprizuese sikur diçka e tillë të ndodhe edhe me Reverse Gun Game.