Dataminers e CoD: Warzone kanë gjetur operator packs për Halloween

Call of Duty: Modern Warfare dhe Warzone sapo morën një patch të ri dhe siç e ka zakoni me raste të tilla, dataminers i futen punës dhe zbulojnë gjëra që do të vijnë së shpejti në lojë. Këtë rradhë këto ishin paketa me Texas Chainsaw Massacre dhe SAW. Interesante apo jo?

Këto dy paketa ishin shtuar në filet e lojës me update-in e 13 tetorit. Siç mund ta shikoni në postimin e mëposhtëm, ato janë operator packs me tematikën e dy nga filmave më të njohur në zhanrën e horrorit. Paketat kushtojnë 2,400 CoD Points secila dhe s’do shumë mend të kuptosh që kanë ardhur me rastin e Halloween.

Në paketën e Teaxas Chain Massacre ka një legendary operator skin: Skin Crawler, i bazuar në Leatherface. Në paketën tjetër pastaj kemi Billy nga filmat e SAW të përfshirë si një operator skin.

Përtej këtyre, po të shkoni në CoD Tracker do të shikoni plot paketa të tjera me tematikën e Halloween.

Nuk është e qartë se kur mund të presim që t’i shohim këto të fundit në lojë, por duke marrë parasysh se Halloween është pak javë larg, do të thonim që pritja nuk është shumë e gjatë.