Shumë data filmash janë shtyrë disa herë për shkak të pandemisë gjatë 12 muajve të fundit. Sony duhet ta konsiderojë veten me fat që Venom: Let There Be Carnage ka pasur vetëm një vonës dhe mirënjohëse që nuk i është dashur të bëjë një shfaqje jo-teatrale. Studio ka vazhduar përpjekjet për të shmangur atë rezultat, duke shtyrë për herë të dytë datën e publikimit të sequel.
Venom 2 është njoftuar se do të dalë në kinema më 17 shtator 2021. Fillimisht ishte menduar të dilte në tetor të vitit të kaluar, por u zhvendos në qershor 2021 pasi kinematë mbetën të mbyllura. Edhe pse masat ndaj virusit duken se po lirohen dhe kinematë mund të hapen në të gjithë botën deri në verë, Sony ka vendosur mos të rrezikojë.
Për shkak të faktit që shumë filma janë vonuar, një pjesë e madhe e vitit 2021 duket tepër e mbushur me to. Ka një shans që Sony nuk dëshiron të konkurrojë me blockbusters të tjerë që do të dalin në qershor. Si shembull kemi Marvel, ku Disney mbetet i vendosur për lëshimin e Black Widow më 7 maj 2021. Shfaqja do të bëhet në kinema dhe jo në Disney Plus, siç ka bërë me filma të tjerë si Mulan.
Venom 2 do të ndjekë filmin e parë të lëshuar në 2018. Vazhdimi do të bëjë më të qartë marrëdhënien e Eddie Brock (Tom Hardy) me simbiozën e tij. Filmi gjithashtu do të prezantojë një armik të frikshëm në formën e Carnage, një simbiozë rivale që përdor trupin e Cletus Kasady (Woody Harrelson) për mbijetesë. Adhuruesit e Marvel gjithashtu shpresojnë të gjejnë ndonjë Easter Egg që tregon se Venom zhvillohet në Spider-Verse, ose ndoshta edhe në MCU më të gjerë.
Shpresat që prodhimet e Sony dhe Marvel të Disney do të bashkohen janë rritur kohëve të fundit, sidomos prej faktit që Quicksilver nga X-Men u shfaq në WandaVision. Gjithashtu ekzistojnë pritshmëri që Spider-Man: No Way Home, i cili shpresojmë të jetë këtu deri në fund të vitit, do të konfirmojë një multiverse. Sidoqoftë, Tom Holland pretendon se ish Spider-Man Andrew Garfield dhe Tobey Maguire nuk janë pjesë e projektit.