The Last of Us Part 2 është një nga të pakëtat lojëra ekskluzive të PlayStation 4 që ende nuk i dihet data e lançimit. Gjithsesi kjo pritet të ndryshojë së shpejti.
Një leak thotë se traileri i ri i The Last of Us Part 2 do të publikohet këtë javë. Data e lançimit të lojës gjithashtu do të zbulohet me të dhe pritet që loja të vijë për publikun diku nga vjeshta e këtij viti.
Me trailerin e ri të Death Stranding që do të publikohet më vonë këtë javë, nuk është ende e qartë nëse trailer-i i The Last of Us Part 2 do të vijë në të njejtën datë. Nëse po i bie që do të marrim një State of Play surprizë, që do të dominohet nga këto dy lojëra.
Gjëja e çuditshme rreth The Last of Us Part 2, është se sado që është një nga lojërat më të pritura për PlayStation 4, ka shumë pak gjëra që ne realisht dimë rreth saj. Të gjitha ato i bazojmë në atë çfarë regjizori Neil Druckmann tha para pak kohësh.
“Në The Last of Us Part 2, Ellie është 19 vjeç dhe ka gjetur më në fund paqen duke jetuar me Jackson. Ajo ka patur mundësinë të jetë një adoleshente, por paqja e saj do të ndërpritet nga një akt dhune. Kjo e çon Ellie në një udhëtim që të sjellë të gjithë ata që i kanë bërë dëm përpara drejtësisë.
Që nga mënyra se si Ellie luan e deri në mënyrën se si ajo menaxhon këtë botë miqësore, ju do të ndjeni gjendjen e saj fizike, emocionale dhe mendore të shprehur në çdo aspekt të gameplay-it. Ne kemi ripunuar shumë gjëra në lojë, kemi zhvilluar mekanika të reja combat-i, kemi ndërhyrë në engine dhe kemi perfeksionuar animinin, që të mund të shprehë sa më mirë emocionet unike të Ellie.
Gjithashtu kemi zgjeruar mjediset dhe i këmi bërë më komplekse dhe realiste, duke punuar në çdo detaj të tyre.”
The Last of Us Part 2 do të vijë në PlayStation 4 në një datë që ende pritet të zbulohet.