Darkborn: Shikoni këtë gameplay ku përbindëshi është protagonisti

Shikoni 15 minuta gameplay të lojës

Darkborn, e njohur formalisht si Project Wight më në fund është zbuluar me detaje. Ky tregim first-person të vë në vendin e një përbindëshi kundër vikingëve të dhunshëm që rrethojnë zonën. E gjithë ideja është shumë e bukur.

Pasi njerëz të dhunshëm iu shkatërrojnë jetën, duhet të kërkoni hakmarrjen tuaj. Si fillim jeni një përbindësh i vogël dhe i adhurueshëm dhe më vonë do të rriteni dhe do të bëheni më të fortë teksa shkatërroni armiqtë tuaj. Me kalimin e kohës do të bëheni një përbindësh gjigand që mund të shkatërrojë grupe të mëdha ushtarësh pa u lodhur shumë.

Gjithsesi jo të gjithë njerëzit do të jenë të këqinj. Ka një narrativë më të ndërlikuar që do të paraqitet, por zhvilluesit nuk janë treguar shumë të hapur rreth saj. Është një histori klasike hakmarrjeje dhe misteri. Ende nuk ka një datë lançimi, por mund të shihni videon e mëposhtme të gameplay-it dhe zbulimit të lojës.