Chip-i i vogël i ri tregon se do të mungojnë disa veçori të RTX
Chip-i i vogël i ri tregon se do të mungojnë disa veçori të RTX
Ka zëra se Nvidia po përgatit të lançojë GeForce GTX 1660 Ti, GPU-në e re të bazuar në arkitekturën Turing. Por, duket se kjo GPU nuk do të vijë me veçoritë e veçanta të RTX, si dhe pa Deep Learning Super Sampling (DLSS). Pyetja që ngrihet është: a do të jenë këto veçori thjesht të çaktivizuara, apo Nvidia po ndërton një GPU tërësisht të re? Fotot e chip-it të GeForce GTX 1660 Ti duket se japin përgjigje.
Duhet patur parasysh se asgjë nuk është zyrtare, këto foto u postuan në internet dhe duket se janë nga një MSI GeForce GTX 1660 Ti Ventus XS, pa ftohësen e saj. Me anë të kësaj fotoje, kemi mundësi të krahasojmë këtë GPU të re me ato të gjeneratës RTX.
Në foton e majtë duket chip-i i GeForce GTX 1660 Ti, i vendosur përballë chip-it të përdorur në GeForce RTX 2070. Duket se chip-i i 1660 Ti është dukshëm më i vogël se ai i RTX 2070. Në qoftë se këto informacion janë të vërteta, duket se GPU e re nuk do të ketë asnjë RT dhe Tensor core, të cilat përdoren në kartat Nvidia për ray tracing dhe DLSS.
Pyetja që ngrihet është se çfarë performance do të ketë GeForce GTX 1660 Ti në krahasim me GeForce GTX 10xx (Pascal). Teorikisht, ajo do të ketë deri në 2304 CUDA cores, pra do të ketë të njëjtën performancë me një GeForce RTX 2070 por pa ray tracing dhe DLSS, e cila do ta bënte atë të ngjashme me një GeForce GTX 1080, gjë e cila duket shumë e mundshme duke parë përmasat e chip-eve të tyre.
Duket se është arkitektura Turing pa RT dhe Tensor, por e njëjta gjë mund të thuhet dhe për arkitekturën Pascal. Pse po e nxjerr Nvidia një GPU të tillë? Duhet ende të presim, por në qoftë se Nvidia e lançon atë me një çmim mjaftueshëm të ulët, duket se do të ketë diçka vërtetë të veçantë në duart e saj, duke parë dhe shitjet e ulëta të serisë GeForce RTX, për shkak të çmimeve të larta dhe mungesës së suportit për RTX në shumicën e lojërave. Që GeForce GTX 1660 Ti të ketë kuptim, ajo duhet të jetë më e shpejtë se kartat Pascal dhe më e lirë se GeForce RTX 2060. Megjithatë, e vetmja gjë që na mbetet të bëjmë është të presim.