Agjensitë e vlerësimeve të lojërave në të gjithë botën, duket se më në fund po fillojnë të flasin për Cyberpunk 2077. Tashmë kemi marrë disa detaje interesante nga raporti i redaktuar i Bordit të Klasifikimit, dhe të enjten në mëngjes, ESRB e Amerikës ofroi disa informacione shtesë.
Disa fansa të Cyberpunk 2077 janë pyetur se sa i gjerë do të ishte personalizimi i personazheve. Përgjigja është: ju mund të personalizoni karakteret tuaja, stil Conan Exiles. Informacioni, i shënuar në listën ESRB për RPG Sci-fi, flet për gameplay-in e lojës dhe tonin e përgjithshëm.
Pas prezantimit të bazave, vlerësimi përmend se si personazhet mund të personalizohen me “madhësi të ndryshme dhe kombinime të organeve gjenitale”, dhe se ka skena seksi në first-person:
Lojtarët mund të zgjedhin një gjini dhe të rregullojnë karakterin e tyre; personalizimi mund të përfshijë përshkrime të gjinjve, mollaqeve dhe organeve gjenitale, si dhe madhësi të ndryshme dhe kombinime të organeve gjenitale. Lojtarët mund të hasin në ngjarje kur ata kanë mundësinë për t’u përfshirë në aktivitete seksuale me personazhe të tjerë kryesorë ose prostituta; këto skena seksi të shkurtra (nga një perspektivë first-person) përshkruajnë personazhe pjesërisht nudo teksa lëvizin nëpër pozicione të ndryshme.
Detaji ESRB është interesant dhe shton pak më shumë kontekst në vendimin e Bordit të Klasifikimit R18+. Në arsyetimin e vlerësimit të tyre, Bordi shkroi se “loja nuk përmban asnjë përshkrim të aktivitetit seksual aktual dhe as nuk përmban përshkrime të qarta dhe realiste të aktivitetit seksual të simuluar”.
Vlerësimi i ESRB përmend gjithashtu një skenë veçanërisht interesante nga një quest. Ai nuk përmban asnjë spoiler, por detajet janë mjaft vizuale:
Gjatë një quest-i, lojtarët ndihmojnë një personazh duke i thyer thonjtë me çekiç nëpër duar dhe këmbë; tingujt e ulërimave dhe efektet e gjakut shoqërojnë skenën.
Pak shumë stil Sharra, apo jo?! Por nëse do të luani Cyberpunk 2077 kur të dalë më 17 shtator, të paktën nuk mund të ankoheni se nuk ju paralajmëruam.