Cyberpunk 2077 vonohet sërish deri në 10 dhjetor

Sado që loja është gold.

Cyberpunk 2077 po vonohet sërish, këtë rradhë deri në 10 dhejtor. Zhvilluesi CD Projekt Red thotë se është duke punuar me një patch për lançimin e lojës, që më parë ishte parashikuar të vinte në 19 nëntor. Vonesa vjen kryesisht si shkak i lançimit të saj në shumë platforma. Ajo do të vijë në dy gjenerata konsolash, PC dhe Google Stadia.

“Sfida më e madhe për ne tani është ta sjellim lojën në gjeneratën e tanishme, gjeneratën e ardhshme dhe PC në të njejtën kohë. Kjo na kërkon të përgatisim dhe testojmë nëntë versione të saj,” tha kompania në një postim në Twitter. “Duhet të sigurohemi që çdo gjë do të funksionojë dhe që çdo version të operojë siç duhet. Jemi në dijeni se mund të mos duket realistike të thuash që 21 ditë bëjnë dallim në një lojë kaq komplekse, por në fakt bëjnë.”

Cyberpunk 2077 arriti stadin ‘gold‘ (e përfunduar) në fillim të tetorit. Zhvilluesit premtuan në Twitter se nuk do të kishte më vonesa për lojën, por në këtë pikë jemi gati të presim gjithçka.

Cyberpunk 2077 ka qenë një nga lojërat më të pritura të 2020. Me vonesën e fundit, zëre se nuk doli në 2020 fare