Zhvilluesit e Cyberpunk 2077 thonë se lojtarët e zhgënjyer mund të kërkojnë rimbursim

Shton se patches janë në rrugë e sipër për të adresuar këto probleme.

Zhvilluesi i Cyberpunk 2077, CD Projekt Red, ka pranuar se probleme të shumta me performancën e kanë përndjekur lojën në konsolat e gjeneratës së fundit dhe ka kërkuar ndjesë, që nuk e ka treguar se si loja operonte në PS4 dhe Xbox One, përpara lançimit të saj.

“Duhet të kishim kushtuar më shumë vëmendje në PS4 dhe Xbox One përpara se ta lançonim lojën.” Zhvilluesi vazhdoi të thoshte se po shpreson që të rregullojë problemet përmes një seri patches, që do të lançohen në muajt në vijim, por shtoi se kushdo që nuk do të presë, mund të marrë rimbursim.

Deklarata vjen pas postimeve të shumta se si performanca e lojës është tmerrësisht e dobët në paisjet e vjetra. Është bërë praktikisht virale tani, me meme të shumta dhe video të problemeve.

CD Projekt Red shpërdau kopje në PC për reviews, pra të gjitha problemet e performancës në konsolat e vjetra kanë marrë vëmendje të gjerë pas lançimit të lojës. Loja gjithsesi duket të operojë mjaft mirë në konsolat e gjeneratës së re dhe në PC.

Zhvilluesi premton se do i rregullojë problemet e performancës, duke filluar me një raund tjetër updatesh, që do të lançohen në shtatë ditët në vijim. Në janar dhe shkurt, CD Projekt Red ka në plan të sjellë update të mëdha, që pritet të rregullojnë lojën.