Më shumë për Cyberpunk 2077 do të zbulohet në qershor

CD Projekt Red do të bëjë stream Night City Wire në 11 qershor

Mesa duket do të zbulojmë shumë më shumë për Cyberpunk 2077 së shpejti. CD Projekt Red ka njoftuar Night City Wire për 11 qershor, i cili mesa duket do të jetë një stream. Eventi koincidon me datat e anulluara të E3 dhe është pjesë e një numri të madh njoftimesh nga publikuesit më të mëdhenj.

U bë pak kohë që nuk mësojmë asgjë të re për Cyberpunk 2077. Patëm një trailer kinematik në The Game Awards vitin e kaluar dhe ka kaluar edhe më shumë kohë që prej publikimit të gameplay-t. Një prej lajmeve më të reja rreth lojës është fakti që data e lançimit të saj është shtyrë për 17 shtator dhe shpresojmë që shtyrja të sjellë një lojë më të mirë.

CD Projekt Red është një prej studiove që do të jetë pjesë e Summer Game Fest, prandaj presim që të shohim Geoff Keighley të përfshirë në këtë zbulim.