Në Night City Wire që u mbajt javën e shkuar për Cybperpunk 2077, CD Projekt Red na dha një pamje të mirë të automjeteve që do të ketë loja. Ndër to ishte edhe Johnny Silverhand’s Porsche 911 Turbo. Loja e Cyberpunk akoma nuk ka dalë, por një fans ka arritur ta krijojë këtë automjet në një lojë plotësisht tjetër.
Siç mund ta shikoni në Cyberpunk 2077’s Night City Wire: Episode 4, diku te minuta 7:45 në videon më poshtë, makina prezentohet si zgjedhja e vetë personazhit.
Një fans duket se është frymëzuar shumë nga paraqitja e këtij automjeti, duke e sjellë atë në Forza Horizon 4. Përdoruesi NuclearRocketFarmer ka postuar disa imazhe të këtij rikrijimi në Reddit dhe duhet të pranojmë që janë goxha fiks, deri në detajin më të vogël.
Krijuesi tha se është përpjekur ta bëjë sa më të saktë që të mundet dhe se ju deshën vetëm pak orë për ta arritur. Mund të klikoni postin më poshtë për t’i parë fotot në Reddit.
Data e lançimit të Cyberpunk 2077 është vetëm një muaj larg, ndaj mezi presim që ta shohim me të vërtetë në lojën që i takon makinën e Johny Silverhand.