Mund të jeni, një femër, një mashkull, një miksim i të dyjave.. mund të jeni çfarë të doni ju.
Mund të jeni, një femër, një mashkull, një miksim i të dyjave.. mund të jeni çfarë të doni ju.
Ka ende kohë përpara se RPG e shumëpritur e CD Projekt Red, Cyberpunk 2077 të lançohet, por me datën e lançimit që afrohet gjithmonë e më shumë, zhvilluesit kanë qenë më të hapur se kurrë mbi gjërat që fansat duhet të presin në lojë.
Edhe përpara se demoja e gameplay-it këtë vit të zbulohej, skuadra zhvilluese tashmë ju kishte thënë fansave se shumë gjëra kishin ndryshuar. Dalja e asaj demoje në Gamescom i konfirmoi edhe më shumë këto, mbi të gjitha kur vinte puna në krijimin e një personazhi të ri. Kjo sigurisht që erdhi pasi Cyberpunk 2077 u krtikua se i limitonte personazhet në kufijtë gjinorë të femër-mashkull.
Gjatë një interviste, Marthe Jonkers, artist konceptual i lojës, diskutoi mbi këto tematika dhe tha se lojtarët e Cyberpunk 2077 nuk do të duhet të vendosin një gjini kur të formojnë personazhin e tyre. Ai gjithashtu shtoi se menuja do të japë më shumë opsione personalizimi se ato që u panë në demo.
“Ju do të zgjidhni formën tuaj trupore dhe do të keni dy zëra. Njëri do të jetë më femëror dhe tjetri do të jetë më mashkullor. Ju mund të bëni një miksim mes të dyve dhe të gjeni atë që ju përshtatet ju. Duam vërtet që t’ju japim njerëzve lirinë e të krijuarit të personazheve të tyre dhe të luajturit e lojës siç ata duan të luajnë.”
Cyberpunk 2077 do të vijë në 16 prill të 2020s për PC, PlayStation 4 dhe Xbox One. Qëndroni të update-uar me faqen tonë të web-it për më shumë lajme mbi lojën.