CD Projekt Red së fundmi konfirmoi se lojtarët nuk do të lejohen të sulmojnë fëmijë ose NPC të lidhur me historinë e lojës në Cyberpunk 2077. Ky informacion ju komunikua një fansi që pyeti nëse do mund të vrisje njerëz në mënyrë rastësore brenda lojës apo jo.
Përveç fëmijëve dhe NPC-ve që lidhen me historinë, zhvilluesi konfirmoi se çdo shënjestër tjetër është e lejuar. Kryesisht lojtarët do të tregohen më agresivë ndaj njerëzve që hasin në Night City.
Kjo gjë nuk duhet të vijë si lajm i keq për ndonjë njeri, pasi kush ka qef të vrasë fëmijë në videolojëra gjithsesi? Plus studioja ka ndjekur të njejtat parime edhe me The Witcher 3, ndaj kjo ishte deri diku edhe e pritshme.
Gjithsesi në pjesën e multiplayerit, çdo njeri tjetër është i barabartë. Përsa i përket dhunës, duhet të keni parasysh që nuk do të jeni të vetmit në Night City me një armë. Kjo sepse ligjet e Cyberpunk 2077 lejojnë të gjithë në qytet të mbajnë një armë, si pasojë e turmave të shpeshta dhe kërcënimeve të vazhdueshme të lojës.
“Që të qëndrosh gjallë, duhet të kujdesesh për veten tënde…Edhe nëse nodnjëherë, kjo do të thotë që duhet të bësh një sy qorr ndaj dhunës që ke rreth e përqark.”
Data e lançimit të Cyberpunk 2077 është 16 prili i 2020s. Loja do të vijë për PlayStation 4, Xbox One dhe PC.