Çdo zgjedhje ka rëndësinë e saj!
Çdo zgjedhje ka rëndësinë e saj!
Dizenjuesi i misioneve të Cyberpunk 2077 Mateusz Tomaszkiewicz ka konfirmuar se loja do të ketë disa përfundime. Kjo do të thotë se zgjedhjet e personazhit do të jenë një nga gjërat më të rëndësishme të lojës. Lojtarët do të kenë fjalën e tyre në mënyrën si do të rrjedhë historia dhe do të kenë përfundime të ndryshme.
Këto përfundime do të sjellin riluajtjen disa herë të lojës. Të tjera lojëra e kanë përdorur këtë formulë, përfshirë këtu vetë CD Projekt me The Witcher 3. Përveç përfundimeve, fansat do të shpenzojnë kohën e tyre duke gjetur sekrete dhe easter eggs të ndryshme.
Kjo gjë gjithashtu do t’i bëjë lojtarët të mësojnë më mirë historinë e lojës dhe t’i bëjë ata të kërkojnë më shumë. Kur DLC-të të vijnë, lojtarët do të shohin se si zgjedhjet e tyre do të ndryshojnë gameplay-n më vonë. Megjithatë, lojtarët nuk do të kenë mundësi të luajnë si personazhi i Keanu Reeves, Johnny Silverhand.
Ata gjithsesi do të kenë mundësi të ndërveprojnë me personazhin. Silverhand është NPC kryesor i lojës dhe shumica e zgjedhjeve të tua me Silverhand do të vendosin përfundimin e lojës. Spekulohet se një prej këtyre përfundimeve të vë në konflikt me të dhe se lojtari mund të përfundojë duke vrarë fantazmën dixhitale të Silverhand.
Loja duket se është inspiruar nga Deus Ex dhe ka në të hacking dhe ndryshime të pjesëve të trupit për të përmirësuar V, personazhin kryesor.