Cyberpunk 2077 do të ketë DLC falas si The Witcher 3

Witcher 3 mori 16 DLC items falas

Cyberpunk 2077 do të marrë disa DLC falas pas lançimit të lojës. Kur The Witcher 3: Wild Hunt u lançua, CD Projekt Red solli 16 DLC falas për lojën, përgjatë tre muajve pas lançimit të saj. Kishte plot gjëra të mira si: armor sets, quests të reja, Gwent cards dhe DLC e fundit solli New Game+ mode.

Një përdorues i Twitter pyeti adresën zyrtare të Cyberpunk nëse loja e re e tyre do të merrte të njejtin trajtim dhe si duket përgjigjia ishte po.

Kjo nuk është ndonjë surprizë e madhe por një konfirmim i këndshëm gjithsesi. CD Projekt Red gjithmonë ka qenë i fokusuar në suportin e lojërave post-lançimit të tyre. Marrim si shembull Enhanced Editions për të dyja lojërat: The Witcher 1&2.

Në periudhën e lançimit të DLC falas të The Witcher 3, Marcin Iwiński, një nga bashkë-themeluesit e projektit, vërejti entuziasmin e tij për këtë lloj praktike, duke thënë se kjo duhet bërë një standart i industrisë, në vend të një përjashtimi nga rregulli i zakonshëm.