Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
CEO i CD Project Red, Marcin Iwiński, do të bëjë një paraqitje muajin e ardhshëm në eventin Coliseum të E3 2019. Ai do të diskutojë çdo gjë rreth CD Project Red, përfshirë këtu edhe Cyberpunk 2077. Ky informacion është bërë i ditur nga adresa zyrtare e E3 në Twitter.
Zhvilluesi i serive të The Witcher ka konfirmuar tashmë pjesëmarrjen në E3. Ky është eventi më i madh në historinë e studios, që njëkohësisht na garanton edhe në më shumë detaje për Cyberpunk 2077.
Fansat nuk duhet të presin të shohin ndonjë trailer të lojës në këtë pikë. Panelet Coliseum në E3, siç kemi parë dhe nga e shkuara nuk sjellin trailera. Gjithsesi ajo çfarë mund të presim është të dëgjojmë më shumë informacione rreth lojës nga Marcin Iwiński. Është gjithashtu e mundur që CD Project Red ta përdorë këtë mundësi për të zbuluar datën e lançimit të Cyberpunk 2077. Përsa i përket trailer-it të lojës, mendohet se do të jetë Microsoft ai që do i bëjë nderimet.
Për ju që mund të mos e dini, E3 Coliseum është një seri panelesh, bisedash dhe eventeve të tjera e prezantuar nga Geoff Keighley, i njohur kryesisht për The Game Awards.
Një tjetër lojë që është konfirmuar për të marrë pjesë në Coliseum është Call of Duty 2019, ku Infinity Ward do të diskutojë lojën e ardhshme të CoD.
Në këtë pikë më duhet të them ato fjalë që po i shkruaj literalisht në fund të çdo artikulli kohët e fundit: Mbetet të presim E3 për të zbuluar më shumë.
